Бейжің. 21 шілде. ИНТЕРФАКС – Қытай Еуропалық одақтың Ресейге қарсы18-ші санкциялар пакеті аясында ҚХР компанияларын шектеу тізіміне енгізуіне байланысты қатаң наразылық білдірді. Бұл туралы Қытай ХалықРеспубликасының Сауда министрлігінің ресми мәлімдемесінде айтылған.
Құжатта былай делінген: «Қытайдың қайталанған қарсылығына және келіссөздерге қарамастан, Еуроодақ Ресейге қарсы қабылданған 18-ші санкциялық шаралар шеңберінде бірқатар қытайлық компанияларды тізімге енгізіп, олардың екеуіне – екі қаржылық ұйымға – дәлелсіз негіздермен санкция салды».
Министрлік бұл әрекетке байланысты Қытайдың «наразылығы мен үзілді-кесілді қарсылығын» білдіретінін атап өтті.
Пекин Брюссельді қытайлық компаниялар мен қаржы мекемелерін санкциялық тізімге енгізу тәжірибесін «тез арада тоқтатуға» шақырды. Бұлқадам Қытай мен ЕО арасындағы экономикалық және сауда қатынастарына, сондай-ақ қаржылық ынтымақтастыққа елеулі теріс әсерін тигізуі мүмкінекені ескертілді.
Сауда министрлігі Қытай тарапы қытайлық кәсіпорындар мен қаржы институттарының заңды құқықтары мен мүдделерін қорғау мақсатында«қажетті шаралар қабылдайтынын» мәлімдеді.
Бұған дейін хабарланғандай, ЕО-ның санкциялық тізіміне Қытайдың SuifenheRural Commercial Bank және Heihe Rural Commercial Bank банктері, сондай-ақ бірнеше қытайлық компания енгізілген.
