Берлин, 28 шілде. Германияның Баден-Вюртемберг федералдық жерінде жексенбі күні орын алған теміржол апаты салдарынан үш адам қаза тауып, 40-тан астам адам түрлі дәрежедегі жарақат алды. Бұл туралы ГерманияныңФедералдық полициясының Штутгарттағы инспекциясы хабарлады.
Ресми мәліметке сәйкес, жолаушылар пойызының екі вагоны рельстеншығып кеткен. Алдын ала тергеу деректеріне сүйенсек, апатқа нөсержаңбырдың салдарынан теміржол жолына жақын маңдағы еңіс жерде болғанкөшкін себеп болуы мүмкін.
Оқиға кезінде пойыз Ульм қаласына бағыт алған. Апат кезінде пойыздашамамен 100 жолаушы болған.
Қазіргі уақытта апат орын алған теміржол бөлігінде қозғалыс тоқтатылды. Тергеу жұмыстары жалғасуда.
