Бейжің. 28 тамыз. ИНТЕРФАКС — Қытай халқының жапон басқыншыларына қарсы соғысындағы жеңісі мен Екінші дүниежүзілік соғыстағы Жеңістің 80 жылдығына арналған салтанатты шараларға әлемнің 26 елінің көшбасшысы қатысады. Бұл жөнінде Қытай Халық Республикасының Сыртқы істер министрінің көмекшісі Хун Лэй мәлімдеді.
Шетелдік БАҚ таратқан ақпаратқа сәйкес, аталған іс-шараларға Ресей Федерациясының президенті Владимир Путин мен КХДР лидері Ким Чен Ынның қатысуы жоспарланған. Ал АҚШ президенті Дональд Трамптың аты-жөні жарияланған тізімде жоқ.
