Астана, 28 тамыз. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев бейсенбі күні елордадағы резиденциясында бірқатар мемлекеттердің елшілерінен сенім грамоталарын қабылдады, деп хабарлады Мемлекет басшысының баспасөз қызметі.
Мемлекет басшысына сенім грамоталарын табыс еткендер: БҰҰ-ның тұрақты өкілі – Сарангоо Раднаарагчаа, Украина елшісі – Виктор Майко, Үндістан елшісі – Я.К. Сайлас Тангал, Алжир елшісі – Осман Михаджи, Швеция елшісі – Ларс Стефан Эрикссон, Бельгия елшісі – Эрик де Майер, Ұлыбритания мен Солтүстік Ирландия елшісі – Салли Джейн Аксуорси, Латвия елшісі – Даце Рутка, Грузия елшісі – Леван Диасамидзе.
Дипломаттарды құттықтай отырып, Президент Тоқаев Қазақстанның көпвекторлы және теңгерімді сыртқы саясатты дәйекті түрде жүргізіп келе жатқанын атап өтті. Сондай-ақ, республика сындарлы диалог пен өзара тиімді ынтымақтастыққа әрдайым ашық екенін жеткізді.
Сөз соңында Мемлекет басшысы елшілерді дипломатиялық миссияларының ресми басталуымен құттықтап, олардың мемлекеттері басшыларына ізгі тілектерін жолдады.
