Анкоридж. 16 тамыз. ИНТЕРФАКС – Ресей Федерациясының президенті Владимир Путин Аляскаға жасаған сапарын аяқтады. Мемлекет басшысы ұшақ сатысымен көтеріліп, қол бұлғап, әуе кемесіне кірді. Бұл сәтті “Россия-24” телеарнасы көрсетті.
Путин АҚШ президенті Дональд Трамппен келіссөздер жүргізу үшін Анкориджге Мәскеу уақытымен 21:58-де келді. Екі ел басшылары бірден ұшу алаңында кездесіп, бірге суретке түсу рәсіміне бет алған кезде әңгіме бастаған. Кейін олар АҚШ президентінің лимузінімен келіссөздерге жол тартты.
Путин Аляскада шамамен бес сағат болды. Екіжақты келіссөздер тар форматта 2 сағат 45 минутқа созылды. Одан кейін қос президент БАҚ өкілдері үшін мәлімдеме жасап, журналистердің сұрақтарына жауап берместен баспасөз залынан кетті.
