Дубай. 1 қыркүйек. ИНТЕРФАКС – Ауғанстанның солтүстік-шығысында болған жер сілкінісінің салдарынан 610-нан астам адам қаза тауып, тағы шамамен 1 300 адам түрлі жарақаттар алды, деп хабарлайды дүйсенбі күні Associated Press агенттігі.
Сондай-ақ, бірқатар елдімекендерде көптеген ғимараттардың қирағаны туралы да ақпараттар түсіп жатыр.
Зардап шеккен аудандарда дәрігерлер мен құтқарушылар құтқару және медициналық көмек көрсету жұмыстарын жалғастыруда.
АҚШ Геологиялық қызметі жер сілкінісінің магнитудасын 6 деп бағалады. Мамандардың мәліметінше, зілзаланың ошағы жердің 8 шақырым тереңдігінде орналасқан.
Жер сілкінісінің эпицентрі Нангархар провинсасындағы Джелалабад қаласынан шығыс-солтүстік-шығысқа қарай 27 шақырым жерде 23:47-де тіркелген.
