ВАШИНГТОН. 18 қыркүйек. (Интерфакс) – АҚШ-тың Пенсильвания штатында болған қарулы шабуыл салдарынан үш полиция қызметкері қаза тапты, деп хабарлайды жергілікті БАҚ.
Штат полициясының комиссары Кристофер Пэрис мәлімдегендей, тағы екі офицер ауыр жараланып, жағдайы тұрақты, бірақ өте ауыр күйде.
Полицияға оқ атқан күдікті оқиға орнында көз жұмды, оның жеке басы әзірге анықталған жоқ.
CNN дерегінше, оқиға Норт-Кодорус қалашығында полицейлер күдіктіні қамауға алмақ болған кезде болған. Ол адамға қудалау және өзгенің жеріне заңсыз кіру бойынша айып тағылған.
Пенсильвания губернаторы Джош Шапиро бұл күнді «Йорк округі мен бүкіл штат үшін қасіретті» деп атады. Ол қаза тапқан офицерлердің құрметіне мемлекеттік туларды түсіру туралы бұйрық берді.
