Париж, 22 қыркүйек. Эстония әуе кеңістігін бұзды деген үш ресейлік МиГ-31 ұшағына қатысты мәселе НАТО-ның Солтүстікатлантикалық кеңесінің 23 қыркүйектегі отырысында талқыланады. Бұл бастама Эстония тарапынан көтерілді, деп хабарлайды Le Figaro.
Альянс өкілінің айтуынша, 32 мүше елдің тұрақты өкілдері Брюссельде сейсенбі күні таңертең бас қосады. Жиын НАТО шартының 4-бабына сәйкес өтеді, бұл бап мүше мемлекеттердің біріне қауіп төнген жағдайда консультациялар ұйымдастыруды қарастырады.
Эстония Сыртқы істер министрлігі бұл мәселе БҰҰ алаңында да көтерілуі мүмкін екенін мәлімдеді.
Эстония Қорғаныс күштерінің дерегінше, оқиға 19 қыркүйекте Вайндло аралы маңында болған. Ал Ресей Қорғаныс министрлігі ұшақтар Карелиядан Калининград облысына жоспарлы ұшып өткенін, келісілген бағыттан шықпағанын және Эстония әуе кеңістігін бұзбағанын хабарлады.
