Астана, 29 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаевтың Жарлығымен Жаслан Хасенұлы Мадиев Қазақстан Республикасының Премьер-министрінің орынбасары – Жасанды интеллект және цифрлық даму министрі қызметіне тағайындалды. Бұл туралы Ақорданың ресми сайтында жарияланды.
«Мадиев Жаслан Хасенұлын Қазақстан Республикасының Премьер-министрінің орынбасары – Жасанды интеллект және цифрлық даму министрі лауазымына тағайындау туралы» Жарлыққа Президент қол қойды», – делінген құжатта.
Бұған дейін, қыркүйек айының басында Мемлекет басшысы Қазақстанда Жасанды интеллект және цифрлық даму министрлігін құру туралы Жарлыққа қол қойған болатын.
42 жастағы Жаслан Мадиев 2024 жылғы мамыр айынан бастап Цифрлық даму, инновациялар және аэроғарыш өнеркәсібі министрі қызметін атқарған. Жаңа ведомство дәл осы министрліктің негізінде құрылған.
