Астана. 7 қазан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Ресей Федерациясы Президенті Владимир Путинмен телефон арқылы сөйлесті, деп хабарлайды Мемлекет басшысының баспасөз қызметі.
Сұхбат барысында Қасым-Жомарт Тоқаев Владимир Путинді туған күнімен құттықтап, Қазақстан мен Ресей арасындағы стратегиялық әріптестік, тату көршілік және одақтастық қатынастарды нығайтуға қосқан жеке үлесін ерекше атап өтті.
Мемлекет басшылары екі ел арасындағы жан-жақты ынтымақтастықтың өзекті мәселелерін талқылап, бұған дейін жоғары деңгейде қол жеткізілген келісімдердің орындалу барысына баса назар аударды.
