Еуразиялық даму банкінің (ЕАДБ) Академиясы 2025 жылы 1–3 қазан аралығында Ыстықкөлде «Орталық Азия елдерінде жаңартылатын энергетиканы дамыту» атты арнайы семинар өткізді. Іс-шараның басты мақсаты – энергетикалық жүйенің теңгерімді дамуын қамтамасыз ететін және энергия көшуін табысты жүзеге асыруға бағытталған үйлестірілген шешімдерді талқылау болды. Семинарға алты елден келген 40-тан астам қатысушы жиналды. Шараның ерекшелігі – энергия саясаты, бюджеттік жоспарлау және инвестиция тарту салаларындағы мамандардың бір алаңда бас қосуы. Бұл формат тұрақты энергетикалық дамудың міндеттерін жан-жақты қарастыруға мүмкіндік берді. «Орталық Азия жаңартылған энергия көзі бойынша зор әлеуетке ие. Бұл әлеует тек өңір елдерінің бірлескен әрекеті арқылы тиімді жүзеге асады. Сонымен қатар, әртүрлі энергия көздері энергетикалық теңгерімді тұрақты сақтау үшін үйлесімді дамуы қажет. Семинар көрсеткендей, елдердің осы салада жинақтаған тәжірибесі мол. Реттеуші органдар тәжірибе және табысты тәжірибелермен алмасуға дайын. Диалог қажет! Ал ЕАДБ бұл үдерісті барынша қолдайтын болады», – деді ЕАДБ бас экономисі Евгений Винокуров.
Евразия24 пікірі:
АҚШ Президенті Дональд Трамп БҰҰ Бас Ассамблеясының 80-сессиясында сөйлеген сөзінде энергетика саласына қатысты ұстанымын білдіріп, жаңартылатын энергия көздерін сынға алды. «Энергетика – АҚШ бұрын-соңды болмаған деңгейде өркендеп жатқан тағы бір сала. Біз жаңартылатын энергия көздері деп қате аталып жүрген дүниелерден бас тартып жатырмыз. Бұл – күлкілі. Олар тиімді емес. Құны тым жоғары. Олар электр станцияларының жұмысын қамтамасыз ету үшін жеткілікті деңгейде өнімді емес. Ал жел тұрмаса, энергия да жоқ. Бұл үлкен жел турбиналары өте тиімсіз әрі пайдасы шамалы. Оларды күтіп ұстау қымбатқа түседі, үнемі жөндеуді қажет етеді. Уақыт өте келе тот басып, бұзыла бастайды», – деді Трамп. «Мемлекет басшыларының мәлімдемелеріне пікір білдіру – менің құзыретіме кірмейді. АҚШ-та IRENA мүшесі. Дегенмен, кейбір деректерді атап өткім келеді. Өткен жылы орнатылған барлық қуаттардың 91%-ы жаңартылатын көздерге тиесілі болды. Қазіргі таңда күн, жел және гидроэнергия жоғары бәсекеге қабілетті. Жыл сайын олардың үлесі артып келеді. Мысалы, былтырғы өсім алдыңғы жылмен салыстырғанда 60%-ды құрады», – деді Ла Камера.
Бұл – технологиялар бәсекесі саясат алаңына шыққан жағдай. Көптеген халықаралық қаржы институттары көмірсутекке негізделген энергетикаға қаржылай қолдау көрсетуді тоқтатып жатқанда, ал энергияға сұраныс артып келе жатқан тұста, ЖЭК үлесі алдағы уақытта да өсетіні анық. Бұл әсіресе классикалық отын негізінде жаңа энергетикалық инфрақұрылым салуға мүмкіндігі шектеулі елдерге қатысты.
