Астана. 12 қазан. ИНТЕРФАКС-ҚАЗАҚСТАН – Жексенбі күні Семей қаласында (Абай облысының әкімшілік орталығы, шығыс өңірі) қала әкіміне сайлау басталды, деп хабарлайды қала әкімдігінің баспасөз қызметі.
Сайлау учаскелері таңғы сағат 07:00-ден бастап өз жұмысын бастады.
«Қазіргі уақытта қалада барлығы 128 сайлау учаскесі ашылды, оның 110-ы – ашық, 18-і – жабық (уақытша тұрғылықты жерінен тыс жерде жүрген азаматтардың дауыс беруі үшін)», – делінген әкімдік хабарламасында.
«ҚазАқпарат» мемлекеттік агенттігінің мәліметінше, үміткер ретінде келесі тұлғалар тіркелген: Абай облысының Көкпекті ауданының қазіргі әкімі Әділет Қожанбаев; қалалық мәслихаттың бұрынғы төрағасы және әлеуметтік қызмет көрсету орталығының басшысы Айболат Бекжасаров; балалар мен жастар шығармашылығы сарайының директоры, қалалық мәслихат депутаты Қанат Шапатов; геодезия, картография және құрылыс бойынша Жоғары колледждің директоры Қаныш Төлеуов.
Аталған сайлау – Қазақстанда алғаш рет қала әкімін тікелей сайлау форматы. Бұған дейін азаматтар тек ауылдық округ пен аудан әкімдерін ғана сайлау құқығына ие болған.
