Астана. 16 қазан. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев премьер-министр Олжас Бектеновке осы аптаның соңына дейін экономикалық реформаларды іске асыру барысын түзетуге қатысты нақты іс-шаралар жоспарын ұсынуды тапсырды. Бұл туралы мемлекет басшысының баспасөз хатшысы Руслан Желдібай хабарлады.
«Президент премьер-министр Олжас Бектеновке үкімет әзірлеген экономикалық реформалар бағдарламасының іске асырылуын реттеуге қатысты нақты шаралар жоспарын осы апта соңына дейін ұсынуды тапсырды. Үкімет шағын және орта бизнесті қолдауға, инвестициялық ахуалды жақсартуға, сондай-ақ елдегі экономикалық жағдайды сауықтыруға бағытталған шешімдер қабылдауы қажет», – деп жазды Желдібай бейсенбі күні өзінің Telegram-арнасында.
Баспасөз хатшысының айтуынша, мемлекет басшысы үкіметтің экономикалық саясатының негізгі параметрлері Қазақстанның стратегиялық мүдделеріне сай келетінін, жаһандық ахуал мен қазіргі нарықтық үрдістерді ескеретінін атап өтті.
