Орбанның айтуынша, Украинадағы соғыстың үш жылында Венгрия 9,1 млрд форинт (23,1 млрд еуро) жоғалтқан. «Бұл әрбір венгр отбасына шаққанда 2 миллион форинт немесе 5 мың еуроға жуық шығын әкелді. Энергия бағасы шарықтап, инфляция өсті. Ресейге салынған санкциялар Венгрия экономикасына кері әсер етті – сауда көлемі қысқарып, пайыздық мөлшерлемелер жоғарылады. Сондықтан Будапештте өтеді деп жоспарланған саммит – еліміздің тіршілік етуі тұрғысынан аса маңызды», – деді ол сербиялық RTRS телеарнасына берген сұхбатында.
Премьер-министр бұл кездесудің сәтті өтуі үшін Венгрия өз мүмкіндігінің барлығын пайдаланатынын мәлімдеді.
Өткен бейсенбіде Владимир Путинмен телефон арқылы сөйлескен Дональд Трамп екіжақты кездесу туралы уағдаластыққа келгенін айтқан еді. Ал Орбан бұл саммитті ұйымдастыру үшін арнайы комитет құруды бұйырған.
