Тег: әлеуметтік тәуекелдер

Құрылтай сайлауына арналған ресми үгіт-насихат өткен бейсенбіде, 23 шілдеде басталды. Соның аясында партиялардың сайлауалды бағдарламалары жарияланып қана қоймай, алғашқы «қорытындылар» да шығып үлгерді. Әзірге олар Орталық сайлау комиссиясының хаттамалары емес, әлеуметтік сауалнама нәтижелері түрінде ұсынылды. Алайда мұндай сауалнамаларға деген сенім деңгейі партиялардың сайлауалды уәделерінен кем емес. Шынында, кейбір елдердегідей әлеуметтану саяси технологтардың құралына айналған жоқ. Бізде бұл үдеріс заң талаптарына сай әрі нақты жауапкершілік негізінде жүргізіледі. «Сайлау туралы» Конституциялық заңға сәйкес, бұқаралық ақпарат құралдары мен интернет-платформалар сайлауға қатысты қоғамдық пікір сауалнамаларының нәтижесін жариялаған кезде сауалнаманы жүргізген заңды тұлғаны, оған тапсырыс берушіні, қаржыландырған тарапты және өзге де қажетті мәліметтерді көрсетуге міндетті. Ал мұндай сауалнамаларды Қазақстанда тіркелген, қоғамдық пікірді зерттеу саласында кемінде бес жылдық тәжірибесі бар ұйымдар ғана жүргізе алады. Ол үшін алдын ала Орталық сайлау комиссиясын жазбаша түрде хабардар ету қажет. Хабарламаға зерттеуге қатысатын мамандардың біліктілігі мен жұмыс тәжірибесі, сауалнама жүргізілетін өңірлер және қолданылатын зерттеу әдістері туралы мәліметтер қоса ұсынылады.

Қазақстан мен АҚШ арасындағы стратегиялық әріптестік туралы сөз болғанда, еріксіз езу тартасың. Бір жағынан, миллиардтаған долларды құрайтын ұзақ мерзімді келісімдер бар.

Шығыс Қазақстан облысында мектептер мен балабақшалар мемлекеттік сатып алу туралы хабарландыруларды жариялау кезінде қызметкерлерінің жеке деректерін ашық қолжетімділікке шығарып жіберген. Нәтижесінде 600-ден астам педагогтың ЖСН-і, тұрғылықты мекенжайы мен байланыс телефондары интернетте жарияланған.

«Ақ жолдың» басты ерекшелігі – бұл сайлаудағы ең тәжірибелі саяси күштердің бірі саналуында. Әрине, бұған бұрынғы «Нұр Отан» мен Amanat партияларын қоспағанда. Алайда олардың саяси алаңдағы бұрынғы орны өзгерген. Сондықтан «Ақ жол» бұл сайлауға өзін көпшілікке қайта таныстыруды қажет етпейтін саяси жоба ретінде қатысып отыр.