Тег: Eurasia24

Егер қазіргі үрдіс өзгермесе, 2050 жылға қарай Орталық Азиядағы мұздықтардың жалпы аумағының 50%-ына дейін жоғалту қаупі бар», – деді ол. Мәселені тұрақтандыру үшін ықтимал шара ретінде Тургунов таулы аймақтарда жасанды ландшафттар құру және жасанды мұздықтар қалыптастыру сияқты тәжірибелік технологияларды қолдануды ұсынды. Өңірдің негізгі су артериялары – Әмудария мен Сырдария өзендерінің алаптарындағы жағдай айрықша алаңдаушылық тудырады. Бұл өзендер негізінен Қырғызстан мен Тәжікстан тауларындағы қар мен мұздықтардың еру есебінен толығады.

«Кеңселік жұмыспен айналысатын мамандықтар біртіндеп жойылады: бастапқы деңгейдегі бухгалтерлер, машина операторлары. Роботтандыру үдерісін ескерсек, конвейерлік өндіріс жұмысшылары, ораушы мамандар, сондай-ақ кассирлер де біртіндеп еңбек нарығынан шыға бастайды. Өздеріңіз байқаған боларсыздар, қазіргі таңда ірі сауда желілерінде адамдар кассирдің орнына өздігінен қызмет көрсететін кассаларға жүгінеді. Мұның бәрі болашақта екінші жоспарға ығысады», – деп есептейді вице-министр.

«Білім беруді тек еңбек нарығына даярлық аясында ғана қарастыру жеткіліксіз. Қазіргі заманғы мектеп тек жұмыс істеуге емес, болашақ қоғамда өмір сүруге де үйретуі тиіс: үздіксіз білім алуға, жаңа міндеттерге бейімделу үшін ойлау қабілетін дамытып отыруға баулуы қажет. Ең басты мәселе – балалардың жасанды интеллект ұсынған дайын жауаптарға тәуелді болып кетуіне жол бермеу. Керісінше, оны ойлау қабілетін дамытуға арналған құрал ретінде дұрыс пайдаланып, өздігінен білім алуға дағдылану маңызды», – деп есептейді депутат.

Қазақстандық диджей Imanbek (Иманбек Зейкенов) әлемдегі ең беделді музыкалық марапат — «Грэмми» сыйлығына қайта үміткер болды, деп хабарлайды агенттік тілшісі. «Грэмми» сыйлығының 2025 жылғы үміткерлер тізімінде келесідей мәлімет көрсетілген: «Латын электронды музыкасының үздік интерпретациясы» номинациясы — бұл санатқа вокалдық немесе аспаптық орындаудағы, жеке орындаушылардың, дуэттер мен топтардың жаңа музыкалық материалынан тұратын латын электронды жанрындағы синглдер мен тректер ұсынылады.

Мемлекет басшысы Әлемдік және дәстүрлі діндер лидерлерінің VIII съезіне қатысу үшін Астанаға келген Мәскеу және бүкіл Русь Патриархы Кириллмен кездесу өткізді. Президент бұл кездесудің Қазақстан мен Ресей арасындағы ынтымақтастықты тереңдетуге бағытталған тағы бір маңызды қадам екенін атап өтті. «Ең алдымен, Съезд күндері бізбен бірге болу жөнінде қабылдаған шешіміңіз үшін сізге шынайы ризашылығымды білдіремін. Бұл Форумның табысты өтуі жолында сіздің қатысуыңыз ерекше маңызға ие. Біз өз тарапымыздан сізге зор құрметпен қараймыз. Қазақстан мен Ресей – стратегиялық серіктес әрі сенімді одақтас екенін өзіңіз де жақсы білесіз», - деді Президент.