Тег: Eurasia24

Еңбек және халықты әлеуметтік қорғау министрлігі Әлеуметтік кодекске енгізілетін өзгерістер жобасында мемлекеттік әлеуметтік сақтандыру қорының (МӘСҚ) қаражатынан төленетін «декреттік» төлемдер мен 1,5 жасқа дейінгі бала күтімі бойынша жәрдемақыларды есептеу тәсілін қайта қарауды ұсынып отыр. Мұндай түзету ұсынуға себеп – кейбір азаматтардың әлеуметтік төлемдерді ең жоғары мөлшерде алу үшін күмәнді тәсілдерді қолдануы. Атап айтқанда, олар бірнеше жұмыс берушімен бір мезетте тек қағаз жүзінде еңбек шартын жасасып, заңдағы олқылықтарды пайдаланып жүр.

Мен көші-қон мәселесін әдейі көтердім, өйткені бұл бағытта бірқатар күрделі түйткілдер бар. Астана мысалында 400 мыңға жуық тұрғын ресми есепке алынбаған. Соған байланысты әкімдік бұл азаматтарға қызмет көрсетіп, инфрақұрылыммен қамтамасыз етуге мәжбүр. 400 мың адам — бұл көлемі жағынан жеке бір қала. Алайда олар ешбір ресми статистикада көрсетілмеген. Мұндай ахуал, ең алдымен, экономикалық теңгерімсіздікке алып келеді. Сонымен қатар, елімізде әлеуметтік көмектің 100-ден астам түрі бар екенін ескерсек, бұл мәселенің ауқымы айтарлықтай.

«Қазақстан темір жолы» компаниясы дәстүрлі мейрамхана-вагондарға балама нұсқаларды қарастырып жатыр. Бұл жөнінде «Жолаушылар тасымалы» акционерлік қоғамының басқарма төрағасы Ануар Ахметжанов брифинг барысында мәлімдеді. Оның айтуынша, мұндай вагондар компания үшін айтарлықтай қымбатқа түседі. Қызмет көрсетуші мердігерлер төлейтін жалдау ақысы жөндеу мен техникалық қызмет көрсету шығындарын өтемейді. «2024 жылы біз 15 мейрамхана-вагонды толық жаңарттық. Алайда, оларды күтіп ұстаудың өзіндік құны әлі де жоғары күйінде қалып отыр.

Мемлекет басшысы ауыл шаруашылығына цифрлық технологияларды енгізу жұмыстарын жеделдетуді тапсырды. Сонымен қатар, Президент мал шаруашылығының әлеуетін толық ашу қажеттігін атап өтті. «Жыл соңына дейін мал шаруашылығын дамытудың арнайы бағдарламасы әзірленеді. Бұл құжат ұзақ мерзімге жеңілдетілген қаржы тартуға мүмкіндік береді. Экономиканың барлық саласында ашықтық пен тиімділікке толық цифрландыру арқылы ғана қол жеткізе аламыз. Бұл мәселе жөнінде мен Жолдауымда арнайы тоқталдым.

Алматыда «Көк кит» фильмінің премьерасы өтті. Фильм қазіргі қоғамдағы өзекті мәселелердің бірі — балалардың интернеттегі қауіпсіздігіне арналған. Картина бүкіл ел аумағында кең прокатқа шықты. Фильм Алматы қаласы прокуратурасының қолдауымен түсірілген және цифрлық кеңістіктегі қауіп-қатерлер, сондай-ақ жасөспірімдерге қауіпті ойындар мен деструктивті контенттің әсері туралы баяндайды. Сонымен қатар, картинада буллинг және отбасылық-тұрмыстық мәселелер де қозғалады.