Тег: Eurasia24

ЕЭК Кеңесі ұзақ мерзімді кезеңге арналған «Еуразиялық экономикалық одақтың ғылыми-техникалық дамуының стратегиялық бағдарламасы» бойынша ұсынымдық сипаттағы шешім қабылдады. Бағдарлама ЕАЭО-ның 2025 жылға дейінгі интеграциялық даму Стратегиялық бағыттарын іске асыру аясында әзірленіп, мүше мемлекеттердің күш-жігерін біріктіру арқылы ортақ инновациялық жобаларды дамыту және Одақ елдерінің экономикаларының технологиялық деңгейін арттыру мақсатында бәсекеге қабілетті ғылыми-зерттеу әлеуетін қалыптастыруға бағытталған.

2022 жылы қаңтар оқиғаларының себебі ретінде билік мемлекеттік төңкеріс әрекетін емес, әлеуметтік әділетсіздікті атады. Соның нәтижесінде әлеуметтік шығындар қайта өсе бастады. 2024 жылғы су тасқынынан кейін бюджет тұрақтылығын жоғалтып, бір жыл ішінде үш экономика министрі мен екі қаржы министрі ауысты. 2025 жылы үкімет салық мөлшерлемелерін арттыру туралы шешім қабылдады. Алайда кейінірек белгілі болғандай, инфляция барлық болжамдардан асып түсті, ал оның негізгі себебі – үкіметтің өз экономикалық саясаты еді.

Қазан айының 26-сынан бастап Алматы мен Мәскеу арасында тікелей теміржол қатынасы іске қосылады. Бұл туралы «Қазақстан темір жолы» ұлттық компаниясының баспасөз қызметі хабарлады. Вагондар алдымен №7/8 «Алматы – Саратов» пойызы құрамында Саратов станциясына дейін қатынайды. Осы жерден бастап олар №85/86 «Дербент – Мәскеу» пойызына тіркеліп, Мәскеуге дейін жолын жалғастырады. Алматы – Мәскеу бағытындағы пойыз күн ара жүреді. Оның құрамына бір купе және бір плацкарт вагоны кіреді.

Мемлекет басшысы елдегі заң үстемдігі мен қадағалау саласындағы басым бағыттар бойынша атқарылған жұмыс жөнінде есеп тыңдады. Бас прокурор Берік Асылов қоғамда кеңінен талқыланған, мемлекеттік мүдделерге қатысты және азаптауға байланысты қылмыстық істер бойынша арнайы прокурорлардың жүргізіп жатқан тергеу жұмыстарының барысы туралы баяндады. Ағымдағы жылы арнайы прокурорлар сотқа 55 қылмыстық іс жолдаған, нәтижесінде 112 адам сот үкімімен кінәлі деп танылды. Қазіргі уақытта 80 іс тергеу сатысында. Тергелген істер бойынша мемлекетке келтірілген залалдың орны толтырылып, 14,4 миллиард теңге өндіріп алынды.

Ұлттық экономика министрлігінің хабарлауынша, 2025 жылы 9 қыркүйекте Дүниежүзілік бәсекеге қабілеттілікті зерттеу орталығы (IMD) IMD World Talent Ranking 2025 – «IMD 2025 Жаһандық таланттар рейтингі» нәтижелерін жариялады. Биылғы жылдың рейтингіне 69 елдің экономикасы енді. Зерттеу аясында экономикалар адами капиталды дамыту, тарту және ұстап қалу қабілеті тұрғысынан бағаланды. Бұл көрсеткіштер тұрақты экономикалық өсімді қамтамасыз етудің негізгі факторлары ретінде қарастырылды. Қазақстан биыл 34-орынға тұрақтады.