Экономист Ернар Серік АҚШ-қа Қазақстаннан жасалған нақты экспорт жөнінде мәлімет жариялады: «Үш ай қатарынан Сауда министрлігінің артынан бізде АҚШ енгізген жоғары кедендік баж салығы Қазақстан экспортының тек 4–5 пайызына ғана қатысты (шамамен 100 млн доллар) деп қайталап келеміз. Алайда АҚШ-тың Қазақстаннан жасалған импорт статистикасына көз салсақ, біздің ресми есептерде жоқ тағы шамамен 200 млн доллардың тауары көрініс береді. Яғни, Сауда және интеграция министрлігінің ресми деректері бойынша 100 млн доллар шамасындағы (сол5%) экспорт жоғары тарифтерге ілігеді, ал АҚШ деректері бойынша – 300 млн доллардан астам. Енді ресми статистикада жоқ, бірақ америкалық есептерде көрсетілген және жаңа тарифке түсетін негізгі тауарларды талдап көрейік».
Еуразия24 пікірі:
Экономист Қазақстанның АҚШ-қа экспорты ретінде ресми статистикада көрсетілмеген жалпы құны шамамен 200 млн доллар болатын кемінде 5 тауар позициясын атады. Осылайша, оның пікірінше, 25 пайыздық тарифке экспорттың 5%-ы емес, тұтас 15%-ы ілінуі мүмкін. Ернар Серіктің пайымдауынша, бұл транзиттік немесе реэкспорттық схемалардың салдары болуы ықтимал, ал Трамп дәл осындай тауарлар тізбегіне қосымша тариф енгізуді жоспарлаған еді.
Экономист Эльдар Шамсутдиновтың «Комментарий» телеграм-арнасы әлемдік нарықта Трамптың «жаппай ескерту хаттарын» таратуынан кейін ешқандай дүрбелең байқалмағанын жазады. «Инвесторлар нарықтың күйреуіне жол бермес үшін Трамп ұстанымын өзгертеді деп күтуде. Бұлбіздің қысқа мерзімді тәуекелдер туралы түсінігімізге де сәйкес келеді». Айталық, АҚШ президенті райынан қайтты делік. Бірақ бұл Қазақстан экспортының статистикасындағы олқылық мәселесін шеше ме?
