Астана. 5 мамыр. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев сейсенбі күні Еуразиялық экономикалық комиссия Алқасының төрағасы Бақытжан Сағынтаевты қабылдады, деп хабарлады Қазақстан басшысының баспасөз қызметі.
«Мемлекет басшысы ЕЭК қызметінің негізгі бағыттары, сондай-ақ Қазақстанның 2026 жылғы Еуразиялық экономикалық одақ органдарына төрағалық етуі аясындағы басымдықтардың іске асырылуы туралы баяндаманы тыңдады», — делінген Президенттің баспасөз қызметі таратқан хабарламада.
Сонымен қатар Мемлекет басшысына ЕАЭО шеңберінде жасанды интеллектіні жауапты дамыту туралы бірлескен мәлімдеме бойынша жұмыстың аяқталғаны туралы ақпарат берілді. «Құжат интеграциялық бірлестікке мүше елдердің экономика салаларында жасанды интеллект технологияларын дамыту бойынша ынтымақтастығының негізгі бағыттарын айқындайды», — деп атап өтілген хабарламада.
Сондай-ақ Тоқаевқа 28-29 мамыр күндері Астанада өтетін Жоғары Еуразиялық экономикалық кеңестің кезекті отырысына және V Еуразиялық экономикалық форумға дайындық барысы баяндалды.
