Петропавл-Камчатский. 25 қаңтар. ИНТЕРФАКС – Ресейлік энергия ресурстарынан бас тарту арқылы еуропалық елдер тығырыққа тіреліп, нәтижесінде АҚШ-қа тәуелді болып қалды. Бұл туралы Ресей президентінің баспасөз хатшысы Дмитрий Песков мәлімдеді.
«Ресейге қатысты шартты, яғни шын мәнінде екіжақты сипаттағы тәуелділіктен арылды деп есептеген еуропалықтар бүгінде нақты түрде АҚШ-қа тәуелді болып отыр. Себебі Ресеймен арадағы тәуелділік өзара болды: біз сатушы ретінде еуропалық тұтынушыларға, ал олар сатып алушы ретінде бізге тәуелді еді», – деді Песков «Москва. Кремль. Путин» бағдарламасының авторы әрі жүргізушісі Павел Зарубинге берген сұхбатында («Россия-1», ВГТРК).
Оның айтуынша, Ресей бұл қатынастарда қатаң жаһандық бәсекелестік жағдайында әрекет еткен.
«Ал қазір олар әлемдегі негізгі жеткізушілердің бірінен бас тартып, шарттарды өзі белгілейтін өзге бір сатушыға тәуелді болып қалды. Мұның бәрін олар өз қолдарымен жасады», – деді ол.
