Вашингтон. 27 желтоқсан. ИНТЕРФАКС – Еуропада жексенбі күні жоспарланған АҚШ президенті Дональд Трамп пен Украина президенті Владимир Зеленскийдің кездесуі бейбіт келісімге жақындауға мүмкіндік береді деген үміт бар. Бұл туралы CNN арнасы аты-жөні көрсетілмеген еуропалық шенеуніктерге сілтеме жасап хабарлады.
Телеканал мәліметінше, еуропалық тараптар бұл кездесуден оң нәтиже күтеді, өйткені АҚШ пен Украина арасындағы қазіргі қарым-қатынас серпіні «тиімді әрі нәтижелі» деп бағаланып отыр.
Аталған оң динамикаға АҚШ пен Украина келіссөз жүргізушілерінің бірнеше апта бойы атқарған қарқынды жұмысы ықпал еткен.
CNN хабарлауынша, жексенбідегі кездесуге дайындық барысында Владимир Зеленский НАТО, Канада, Германия, Финляндия, Дания және Эстония басшыларымен сөйлесіп, ұстанымдарды үйлестірген. Алайда, еуропалық көшбасшылардың бұл кездесуге қатысуы күтілмейді.
Сонымен бірге, Еуропада Дональд Трамппен кез келген кездесудің нәтижесін алдын ала болжау қиын екені де мойындалады.
Бұған дейін АҚШ президенті Украинадағы дағдарысты реттеу ең алдымен өзінің ұстанымына байланысты екенін, ал Украина президенті Владимир Зеленскийдің мүмкіндіктері шектеулі екенін айтқан болатын.
«Мен мақұлдамайынша, оның (Зеленскийдің – ИФ) ештеңесі жоқ. Не болатынын көрейік», – деген Трамп Politico басылымына берген сұхбатында.
