Мәскеу. 23 сәуір. «Интерфакс» — Индонезия Ресеймен арнайы бағамен 150 млн баррель мұнай жеткізу жөнінде келісімге келді. Бұл туралы индонезиялық Tempo апталығы Джакартаның энергетика және қоршаған орта жөніндегі арнайы өкілі Хашим Джоджохадикусумо мәліметіне сілтеме жасап хабарлады.
Оның айтуынша, бұл келісім Индонезия президентінің 13 сәуірде Мәскеуге жасаған сапары барысында қол жеткізілген. Келісім мұнайды ел ішінде сақтап, ықтимал экономикалық күйзелістер жағдайында резерв ретінде пайдалануға мүмкіндік береді.
Ресей бастапқыда жеңілдетілген бағамен жедел түрде 100 млн баррель мұнай жеткізуге, ал қажет болған жағдайда қосымша 50 млн баррель беруге келіскен.
Жаһандық энергетикалық дағдарыс жағдайында, оның ішінде АҚШ, Израиль және Иран арасындағы геосаяси шиеленістің ушығуына байланысты, Индонезия Ресейден баламалы жеткізілімдерді жолға қоюды көздеп отыр.
Бұған дейін елдің энергетика және минералдық ресурстар министрі Бахлил Лахадалия Индонезия сәуір айында-ақ ресейлік шикізатты импорттауды бастауды жоспарлап отырғанын мәлімдеген болатын.
