Астана. 24 ақпан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев сейсенбі күні Референдумның орталық комиссиясының төрағасы Нұрлан Әбдіровті қабылдады, деп хабарлады мемлекет басшысының баспасөз қызметі.
Кездесу барысында Президентке Қазақстанның жаңа Конституциясы бойынша республикалық референдумға дайындық барысы туралы ақпарат ұсынылды.
«Мемлекет басшысы референдумды өткізу кезінде ашықтықты, заңдылықты қамтамасыз ету және барлық азаматтар үшін тең жағдай жасау қажеттігіне ерекше назар аударды», – делінген баспасөз қызметінің хабарламасында.
Қазақстанның жаңа Конституциясын қабылдау жөніндегі республикалық референдум 15 наурызға белгіленген.
