Астана. 29 қазан. Интерфакс-Қазақстан – Қазақстан Президенті Қасым-Жомарт Тоқаев пен Беларусь Президенті Александр Лукашенко телефон арқылы сөйлесіп, екіжақты қатынастардың қазіргі ахуалы мен даму перспективаларын талқылады, деп хабарлады Мемлекет басшысының баспасөз қызметі.
Әңгіме барысында тараптар саяси диалогтың жоғары деңгейін, сауда-экономикалық және гуманитарлық салалардағы ынтымақтастықтың жүйелі түрде ілгерілеп келе жатқанын атап өтті. Сондай-ақ халықаралық күн тәртібіндегі өзекті мәселелер бойынша пікір алмасты.
Президент Қасым-Жомарт Тоқаев Минск қаласында өтіп жатқан Еуразиялық қауіпсіздік жөніндегі конференцияның маңыздылығын ерекше атап өтті.
Мемлекет басшылары алдағы бірлескен іс-шаралар аясында тығыз өзара қарым-қатынасты жалғастыру жөнінде келісті.
