Евразия24ЖаңалықтарАстана мен Вашингтон сауда–экономикалық ынтымақтастықты кеңейтуге ниетті екенін растады

Астана мен Вашингтон сауда–экономикалық ынтымақтастықты кеңейтуге ниетті екенін растады

|

|

Астана. 29 қазан. Интерфакс-Қазақстан – Қазақстан Премьер-​министрі Олжас Бектенов АҚШ Президентінің Оңтүстік және Орталық Азия бойынша арнайы өкілі Сержио Гор және АҚШ Мемлекеттік хатшысының бірінші орынбасары Кристофер Ландаумен кездесу барысында сауда және инвестициялық байланыстарды кеңейту мәселелерін талқылады. Бұл туралы Үкіметтің баспасөз қызметі хабарлады.

Кездесуде өнеркәсіп, цифрлық даму, энергетика, ауыл шаруашылығы, көлік-логистика және су ресурстары салаларындағы әріптестікті тереңдету тетіктері қарастырылды.

Тараптар транзиттік-көліктік бағыттарды дамытуда жаңа мүмкіндіктер бар екенін атап өтті. Энергетика саласында бірлескен жобалар аясында жаңғырту мен озық технологияларды енгізудің маңыздылығы көрсетілді.

Ауыл шаруашылығы саласындағы ынтымақтастық та перспективалы бағыт ретінде аталды. Атап айтқанда, астықты терең өңдеу және оның өнімдерін АҚШ, ЕО, Қытай және Үндістан нарықтарына экспорттау бойынша бірлескен бастамалар талқыланды.

Сонымен қатар цифрлық индустрия және жасанды интеллект технологиялары бағытында әріптестікті кеңейту қажеттілігі айтылды.

Кездесу қорытындысында тараптар барлық перспективалы бағыттар бойынша сауда-экономикалық ынтымақтастықты күшейтуге дайын екенін растады.

Ұлттық банктің деректеріне сәйкес, 1993 жылдан бері Қазақстан экономикасына АҚШ-тан тартылған тікелей инвестициялардың жиынтық көлемі шамамен $61,2 млрд болып, елге түскен жалпы ПИИ құрылымының 13%-дан астамын құрайды. Соңғы бес жылда екіжақты сауда көлемі екі есе өсіп, $4,2 млрд-қа жетті.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

«Самұрық-Қазына» қорының жаңа басшысы жақын арада тағайындалады – Қазақстан Премьер-министрі

Қазақстан Премьер-министрі, «Самұрық-Қазына» мемлекеттік қоры директорлар кеңесінің төрағасы Олжас Бектенов қордың жаңа басшысы жақын арада тағайындалатынын хабарлады.

Еуропалық комиссия ЕО-ның санкциялар жөніндегі басқармасын құрып, олардың орындалуына жауапты жаңа арнайы өкілді тағайындады

Еуропалық комиссия (ЕК) сәрсенбі күні Еуропалық Одақтың санкциялар жөніндегі басқармасы (EU Sanctions Office) құрылғанын және швед дипломаты Ларс Даниэльссонның ЕО санкцияларын іске асыру жөніндегі халықаралық арнайы өкіл болып тағайындалғанын хабарлады.

Сомали президенті БАӘ-ні ел аумағында рұқсатсыз әскери базалар салып, билікке қарсы күштерді қолдады деп айыптады

Сомали президенті Хасан Шейх Махмуд Біріккен Араб Әмірліктерін (БАӘ) елдің ішкі істеріне араласып, орталық биліктің рұқсатынсыз әскери нысандар орналастырды деп айыптады.

Ресеймен жан-жақты стратегиялық әріптестік

Қазақстан Президенті Қасым-Жомарт Тоқаев Ресей Жоғарғы сотының төрағасы Игорь Красновты қабылдады, деп хабарлады сәрсенбі күні Мемлекет басшысының баспасөз қызметі.