Астана. 20 қаңтар. ИНТЕРФАКС-ҚАЗАҚСТАН – Қазақстан Ресеймен және басқа да елдермен бірлесіп қыркүйек айында «Ұлы Алтай – түркілердің ата қонысы» тақырыбында конференция өткізуді жоспарлап отыр. Бұл туралы Қазақстан Президенті Қасым-Жомарт Тоқаев мәлімдеді.
«Ресейлік әріптестерімізбен және өзге елдердің өкілдерімен бірге “Ұлы Алтай – түркілердің ата қонысы” атты халықаралық конференция өткізуді жоспарлап отырмыз», – деді Тоқаев сейсенбі күні Қызылордада өткен V Ұлттық құрылтайда сөйлеген сөзінде.
Президенттің айтуынша, аталған іс-шара қыркүйек айында өтеді және тарихи жадыны нығайтуға, ұлттық сананы күшейтуге бағытталады.
