АСТАНА. 7 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Бразилияның ұлттық мерекесі – Тәуелсіздік күнімен Бразилия Федеративтік Республикасының Президенті Луис Инасиу Лула да Силваны құттықтады, деп хабарлайды Мемлекет басшысының баспасөз қызметі.
«Қазақстан Президенті достық пен өзара түсіністікке негізделген екіжақты қатынастардың қарқынды дамып келе жатқанын атап өтіп, алдағы уақытта да өзара тиімді ынтымақтастықтың одан әрі нығая түсетініне сенім білдірді», – делінген ресми хабарламада.
Құттықтау жеделхатында Қасым-Жомарт Тоқаев Бразилия Президентіне жауапты қызметінде табыс, ал бразилия халқына – өсіп-өркендеу мен игілік тіледі.
