Астана. 5 қараша. ИНРЕРФАКС-ҚАЗАҚСТАН – Қазақстан Президенті Қасым-Жомарт Тоқаев Филиппин президенті Фердинанд Маркосқа «Калмаэги» тайфуны салдарынан орын алған көптеген адам өліміне байланысты көңіл айту жеделхатын жолдады, деп хабарлады Мемлекет басшысының баспасөз қызметі.
Тоқаев қаза тапқандардың туыстары мен жақындарына қайғысына ортақтасып, көңіл айтты, сондай-ақ зардап шеккендердің тез сауығып кетуін тіледі, делінген хабарламада.
Филиппин БАҚ-тарының мәліметінше, 4 қарашада архипелагқа соққан тайфун салдарынан кемінде 66 адам қаза тауып, тағы 26 адам хабар-ошарсыз кеткен. Олардың көпшілігі су тасқыны кезінде үйлерінің шатырларында қалып қойған немесе ағыммен көлікте жүрген жерінен ағын су алып кеткен.
Қаза тапқандардың арасында әскери-әуе күштерінің гуманитарлық көмек жеткізуге бағытталған тікұшағы апатқа ұшыраған кезде қаза болған алты адам да бар.
Филиппин — табиғи апаттарға ең көп ұшырайтын елдердің бірі. Жыл сайын мұнда шамамен 20 тайфун мен дауыл өтеді. Ел аумағында ондаған белсенді жанартау бар және жиі жер сілкіністері болып тұрады.
