Мәскеу. 21 желтоқсан. Интерфакс — Ресей, АҚШ және Украина қатысатын үшжақты кездесу өткізу идеясы бойынша әзірге байыпты деңгейде сөз қозғалған жоқ. Бұл туралы Ресей президентінің көмекшісі Юрий Ушаков мәлімдеді.
«Менің білуімше, бұл бастама жөнінде әзірге ешкім нақты түрде айтқан жоқ, ол қазір пысықталу кезеңінде», — деді Ушаков журналистерге Интерфакс агенттігінің сұрағына жауап бере отырып. Сұрақ Украина Президенті Владимир Зеленский қолдаған үшжақты кездесу бастамасына Кремльдің көзқарасына қатысты қойылған.
Бұған дейін тікелей келіссөздерден бірнеше рет бас тартқан Зеленский Киевтің Ресей, Украина және АҚШ өкілдері қатысатын үшжақты кездесу өткізу жөніндегі АҚШ бастамасын қолдайтынын мәлімдеген болатын.
Сонымен бірге ол мұндай форматтан түбегейлі серпіліс күтпейтінін атап өтті. Дегенмен, егер кездесудің нәтижесінде тұтқындар алмасу жүзеге асса немесе мемлекет басшыларының кездесуіне дайындық басталса, Украина диалогты осы форматта жалғастыруға дайын екенін айтты.
