Мәскеу. 11 мамыр. ИНТЕРФАКС – Жапониялық SoftBank Group конгломераты жасанды интеллект (ЖИ) саласындағы жаһандық қарқынды даму жағдайында электр энергиясына деген сұраныстың күрт артуына байланысты аккумулятор шығару бизнесін бастайды.
Оның телекоммуникациялық еншілес кәсіпорны — SoftBank Corp. дүйсенбі күні Оңтүстік Кореяның Cosmos Lab аккумулятор өндірушісімен және DeltaX Co. ЖИ-компаниясымен серіктестікте Жапония нарығы үшін аккумуляторлық жүйелер мен энергия сақтау жүйелерін шығаруды жоспарлап отырғанын мәлімдеді.
Аккумуляторлар мен күн панельдерінің өндірісі Сакаи қаласындағы (Осака префектурасы) SoftBank кәсіпорнында орналасады. Сонымен қатар, бұл алаңда ЖИ-шешімдеріне арналған ірі деректер орталығы (дата-центр) мен ЖИ-инфраструктурасына қажетті жабдықтар шығаратын кәсіпорын ашылады.
Аккумуляторлар өндірісі келесі қаржы жылында (2028 жылдың наурызында аяқталады) басталады деп күтілуде. SoftBank хабарламасында кәсіпорынның жаппай өндіріске одан кейінгі жылы шығатыны айтылған.
Компания бұл аккумуляторларды өзінің ЖИ деректер орталықтарын қуаттандыруға, сондай-ақ Жапониядағы энергетикалық желілер мен өнеркәсіптік жобалар үшін пайдалануды жоспарлап отыр. Орта мерзімді перспективада батареяларды шетелге экспорттау мүмкіндігі де қарастырылуда.
Бұл бизнестің жылдық табысы 2030 қаржы жылына қарай 100 млрд иеннен (638 млн доллар) асады деп болжануда.
