ҚР Ұлттық экономика министрлігі хабарлайды: Астанада ҚР Ұлттық экономика вице-министрі Асан Дарбаевтың БҰҰ-ның даму құқығы мәселелері жөніндегі Арнайы баяндамашысы Сурия Девамен кездесуі өтті. БҰҰ өкілі сапарының негізгі мақсаты — даму құқығын іс жүзіне асыруға ықпал ету, теңсіздікті азайту, халықтың әлеуметтік осал топтарын қорғау және 2030 жылға дейінгі орнықты даму саласындағы Күн тәртібін орындау барысына құқық қорғау тәсілдерін интеграциялау мәселелері болып табылады. Кездесу барысында тараптар Орнықты даму мақсаттарын (ОДМ) Қазақстанның мемлекеттік саясатына енгізу бағыттарын талқылады. Еліміздің инклюзивтілік пен әділ экономикалық өсімге басымдық бере отырып, орнықты даму қағидаттарын кезең-кезеңімен енгізіп жатқаны атап өтілді. Асан Дарбаев 2025 жылы Қазақстан Нью-Йорк қаласында өткен БҰҰ-ның Жоғары деңгейдегі саяси форумында үшінші Еркін ұлттық шолуын ұсынған 37 мемлекеттің қатарына енгенін мәлімдеді. Вице-министрдің айтуынша, Шолуды дайындау барысында азаматтық сектор, бизнес қоғамдастығы және түрлі әлеуметтік топтардың қатысуымен ауқымды қоғамдық диалог ұйымдастырылған. Бұл процесс ашықтықты қамтамасыз етуге және халықтың пікірін толық ескеруге мүмкіндік берді.
Еуразия24 пікірі:
Қазақстан 2015 жылы қабылданған Орнықты даму мақсаттары (ОДМ) стратегиясының белсенді қатысушысы ретінде 2025 жылы ілгерілеуді бағалаудың ерекше үлгісін көрсетті. Атап айтқанда, биыл Үкімет тарапынан дайындалған ресми есеппен қатар, азаматтық қоғам өкілдері People’s Scorecard әдістемесі бойынша жүргізген тәуелсіз бағалау жұмыстары қатар таныстырылды. 2025 жылғы желтоқсанда жауапты ведомстволар Үшінші еркін ұлттық шолудың негізгі нәтижелері туралы есеп берген кезде, аталған құжаттың тұжырымдары реттеушілік және бюджеттік шешімдерге трансформацияланатыны мәлімделді. Бұл үдеріс, мысалы, «ешкімді назардан тыс қалдырмау» қағидатын ұстанатын 2030 жылға дейінгі өңірлік даму тұжырымдамасы арқылы жүзеге асырылады. Аталған бағыт өңірлердегі жағдайды балалардың әл-ауқаты индексі, сондай-ақ әйелдер мен жастардың мүдделерін есепке алу бойынша жыл сайынғы мониторингтік бағалауды қамтиды. Бұл санаттар кез келген елеулі өзгерістерге ең сезімтал әрі осал топтар болып табылады. Ілгерілеуді осылайша «қос бағытта» зерделеу жетістіктерді асыра бағалау қаупін азайтып, дамудың нақты бағыттарын айқындауға мүмкіндік береді, бұл ретте Қазақстан өзінің мықты қабілетін танытып отыр.
Тегтер:
