Астана. 12 маусым. ИНТЕРФАКС-ҚАЗАҚСТАН – Қасым-Жомарт Тоқаев Ресей күніне орай Ресей Президенті Владимир Путинді құттықтады. Бұл туралы жұма күні Қазақстан Президентінің баспасөз қызметі хабарлады.
«Қазақстанда бауырлас Ресеймен арадағы достық пен тату көршілік қатынастар жоғары бағаланады. Бұл байланыстар стратегиялық әріптестік пен одақтастық рухында дәйекті түрде дамып келеді», – делінген Тоқаевтың құттықтау жеделхатында.
Мемлекет басшысы Ресей президентінің жуырдағы Қазақстанға жасаған мемлекеттік сапарының маңыздылығын ерекше атап өтті.
«Сіздің Қазақстанға жақында жасаған мемлекеттік сапарыңыздың маңызы зор болды. Оның қорытындылары өзара тиімді ынтымақтастықтың жаңа мүмкіндіктерін ашып, ауқымды жобалар мен бастамаларды іске асыруға тың серпін берді. Бірлескен күш-жігердің арқасында Қазақстан мен Ресей арасындағы мемлекетаралық байланыстар алдағы уақытта да барлық бағыт бойынша қарқынды дами беретініне сенімдімін», – деп атап өтілген жеделхатта.
Тоқаев Путинге Ресей Федерациясының игілігі мен өркендеуі жолындағы жауапты мемлекеттік қызметінде табыс тіледі.
