Башар Асад биліктен кеткен соң, Николас Мадуро Ресей президенті Владимир Путиннің жақын әріптестерінің біріне айналды, алайда оның бұл серіктестігі нақты қолдауға ұласа қойған жоқ. Бұл туралы Виталий Портников пен Александр Кушнарь талқылады.
Евразия24 пікірі:
Қатарынан екінші рет бір ақпарат арнасының материалына және сол баяғы сарапшыларға сілтеме жасап отырғанымыз үшін оқырмандарымыздан кешірім сұраймыз. Бұл ретте журналист Виталий Портниковтың кәсіби шеберлігі мен көзқарасын жеткізудегі әсерлілігі ерекше атап өтуге тұрарлық. Бұл жолы оған сұхбат беруші біліктілігі жоғар, әрі ол талқылауға терең талдау жасады.
Олардың ортақ ұстанымы мынадай: Ресейдің агрессиялық әрекеттерін ашық айыптап, мұны нақты фактілермен дәлелдеуге тырысады. Сонымен қатар, АҚШ-тың халықаралық аренадағы рөлін – прогрессивті және азаттық құндылықтарын алға тартушы ел ретінде көрсетуге ден қойған. Яғни, олар бір жағынан – Ресей президенті Владимир Путиннің Украинаға қарсы әскери әрекетін диктаторлық шешім ретінде сипаттаса, екінші жағынан – АҚШ-тың Венесуэладағы процестерге араласуын, керісінше, халықты диктатурадан құтқару әрекеті ретінде бағалайды.
Мұндай бейнематериалдарды көрудің пайдасы – олардың ақпараттық-танымдық тұрғыдан әртүрлі аудитория үшін бірдей құнды болуында. Атап айтқанда, бұл материалдар Украинаны сөзсіз қолдайтындар үшін де, сондай-ақ арнайы әскери операцияның қажеттілігін түсініп, оны қолдаушылар үшін де пайдалы.
Виталий Портниковтың ерекшелігі де осында. Ол өз пікірін қатқыл әрі эмоциялық реңкпен жеткізгенімен, нақты деректерге сүйенеді және Ресей басшылығының әрекеттеріне, сондай-ақ мұндай саясатты қолдап отырған ресейлік қоғамның ұстанымдарына түрткі болып отырған себептерді терең түсінеді.
Осылайша, «Ресей — агрессор» деген Батыс қоғамында орныққан сенімге сүйене отырып, Портников шын мәнінде Батыстың қалыптасқан түсініктері мен Ресейдің нақты мақсаттары туралы ойларын мейлінше ащы әрі ашық түрде әшкерелейді. Сонымен қатар, ол Ресей басшылығының шынайы ұстанымдарын түсініп, Батыстың мұндай қарсыласқа төтеп беру мүмкіндіктерін шынайы бағалауға мәжбүрлейді.
Одан бөлек, Портников АҚШ-тың да мінсіз емес екенін ашық мойындайды. Мысалы, ол риторикалық тұрғыда мынадай сұрақ қояды: неге АҚШ 1918 жылы Мәскеуге әскер кіргізіп, Ленин мен Сталинді және басқа да большевиктерді тұтқындамаған?
Өткенді қозғамай, бүгінгі күні де өзін «құз басындағы қала» (АҚШ) ретінде сипаттайтын мемлекет түсініксіз әрекеттерге барып отыр. Венесуэладағы операцияның «нақты әрі ұзақмерзімді мақсаттары» жөніндегі жүргізушінің сұрағына берілген жауап соның айқын дәлелі іспетті: «Америкалық саясатты ретсіздік басқарып отыр».
Портниковтың пайымдауынша, Дональд Трамптың Мадуроны жазалау жөнінде белгілі бір ниеті болғанымен, одан кейін қандай қадам жасалуы тиіс екені әлі айқындалмаған болуы мүмкін. Оның үстіне, түрлі кеңесшілер әртүрлі ұсыныстар айтуы ықтимал. Бұл — жағдайды терең түсінетін Виталий Портниковтың жасаған өкінішті, бірақ салмақты қорытындысы.
Сондықтан да жүргізуші Александр Кушнер сұхбат үшін алғыс білдіргенімен, көңілі қалғандай боп көрінді.
Дегенмен, біздің қысқаша баяндауымыздан гөрі, материалды өзіңіз тыңдап көргеніңіз жөн. Шынында да, мазмұны қызықты әрі ойлануға тұрарлық.
