Вашингтон. 11 қаңтар. ИНТЕРФАКС – АҚШ президенті Дональд Трамп Кубаны Вашингтонмен «кеш болмай тұрғанда» ынтымақтасуға шақырды.
«Мен оларға тым кеш болмай тұрғанда келісімге келуді ұсынамын!» – деп ол жексенбі күні Truth Social әлеуметтік желісінде жазды.
Трамптың айтуынша, «Куба ұзақ жылдар бойы Венесуэладан жеткізілген ірі көлемдегі мұнай мен қаржыға тәуелді болып келді».
«Соның есесіне Куба Венесуэланың соңғы екі диктаторына “қауіпсіздік қызметтерін” көрсетіп отырды. Бірақ бұл енді тоқтайды. Өткен аптадағы АҚШ шабуылынан кейін сол кубалықтардың басым бөлігі қаза тапты, ал Венесуэлаға көп жылдар бойы елді кепілде ұстаған қарақшылар мен бопсалаушылардан қорғанудың қажеті жоқ», – деп жазды АҚШ президенті.
Ол «Кубаға бұдан былай мұнай да, қаржы да жіберілмейтінін» атап өтті.
Қаңтар айының басында АҚШ әскери күштері Каракаста Венесуэла президенті Николас Мадуроны ұстап, оны АҚШ-қа әкеткен болатын. Америка билігі Мадуроны есірткі саудасына қатысы бар деп айыптап отыр.
