Астана. 20 қаңтар. Интерфакс-Қазақстан — Сейсенбі күні Қазақстан қор биржасындағы (KASE) сауда қорытындысы бойынша АҚШ долларына қатысты теңгенің орташа өлшенген бағамы дүйсенбімен салыстырғанда 0,5%-ға (2,58 теңгеге) нығайып, 1 доллар үшін 507,05 теңгені құрады, деп хабарлады KASE.
Дүйсенбі күні орташа өлшенген бағам 1 доллар үшін 509,63 теңге болған.
20 қаңтарға белгіленген ресми бағам — 1 доллар үшін 509,63 теңге.
Ресми бағамды айқындаудың қолданыстағы тәртібіне сәйкес, 21 қаңтарда доллардың ресми бағамы 507,05 теңге деңгейінде белгіленеді.
