Астана. 23 ақпан. ИНТЕРФАКС-ҚАЗАҚСТАН — Қазақстан Президенті Қасым-Жомарт Тоқаев Грузияның премьер-министрі Ираклий Кобахидземен екіжақты қатынастардың қазіргі жай-күйі мен оларды одан әрі дамыту перспективаларын талқылады. Бұл туралы Қазақстан Президентінің баспасөз қызметі хабарлады.
Грузия тарапының бастамасымен өткен телефон арқылы әңгіме барысында тараптар екіжақты және көпжақты күн тәртібінің кең ауқымды мәселелері бойынша ынтымақтастықты нығайтуға бейілді екенін растады.
Баспасөз қызметінің мәліметінше, сауда-экономикалық және инвестициялық өзара іс-қимылды кеңейтуге, әсіресе транзиттік-көлік байланыстары, энергетика және туризм салаларындағы басым бағыттарға ерекше назар аударылды.
Сондай-ақ тараптар өзекті халықаралық және өңірлік мәселелер бойынша пікір алмасты.
Кездесу қорытындысы бойынша жоғары деңгейдегі байланыстарды жандандыру туралы келісімге қол жеткізілді.
