Вашингтон. 12 сәуір. Интерфакс – Иран делегациясы Исламабадта АҚШ өкілдерімен келіссөздер өткізгеннен кейін жексенбі күні Пәкістан астанасынан кеткені хабарланды, деп CNN дереккөздерге сілтеме жасап жазды.
«Пәкістандық және ирандық дереккөздердің мәліметінше, АҚШ-пен өткен ұзақ келіссөздер нақты келісімге әкелмей, Иранның келіссөздер тобы Исламабадтан кеткен», – деп хабарлады телеарна.
Ирандық БАҚ деректеріне сәйкес, делегация құрамында келіссөз жүргізушілер, сарапшылар, БАҚ өкілдері мен күзет қызметкерлерін қоса алғанда 71 адам болған.
Бұған дейін CBS телеарнасы АҚШ делегациясы да, оның ішінде президенттің арнайы өкілі Стив Уиткофф пен президенттің кеңесшісі Джаред Кушнер Исламабадтан ұшып кеткенін хабарлаған.
Еске салсақ, Пәкістанда өткен АҚШ пен Иран делегациялары арасындағы келіссөздер нәтиже бермеді. Бірқатар БАҚ мәліметінше, тараптар, әсіресе, Ормуз бұғазы мен Иранның ядролық бағдарламасына қатысты мәселелер бойынша ортақ ұстанымға келе алмаған.
