Астана. 21 сәуір. ИНТЕРФАКС-ҚАЗАҚСТАН – Қасым-Жомарт Тоқаев пен Эмомали Рахмон екіжақты қатынастардың қазіргі жай-күйі мен даму перспективаларын талқылап, стратегиялық әріптестікті жаңа деңгейге көтеруге келісті. Бұл туралы Қазақстан Президентінің баспасөз қызметі хабарлады.
«Кездесу барысында сауда-экономикалық ынтымақтастық пен су-энергетика саласындағы өзара іс-қимыл мәселелеріне ерекше назар аударылды. Тараптар жоғары деңгейде бұрын қол жеткізілген барлық келісімдерді толық әрі тиімді іске асырудың маңызын атап өтті», – делінген сейсенбі күнгі хабарламада.
Сонымен қатар, мемлекет басшылары өңірлік және халықаралық күн тәртібіндегі өзекті мәселелер бойынша пікір алмасты.
Эмомали Рахмон Астанаға Өңірлік экологиялық саммитке және Халықаралық Аралды құтқару қоры құрылтайшы мемлекеттер басшылары кеңесінің отырысына қатысу үшін келген.
