Иерусалим. 27 сәуір. ИНТЕРФАКС – Израиль қорғаныс армиясы (ЦАХАЛ) Ливанның Бекаа аңғарында және елдің оңтүстігінде «Хезболла» қозғалысының инфрақұрылым нысандарына әуе соққыларын жасай бастағанын мәлімдеді.
«ЦАХАЛ Бекаа аңғарында және Ливанның оңтүстігіндегі өзге де аудандарда “Хезболла” инфрақұрылымына соққы жасауды бастады», – делінген армияның Telegram-арнасындағы хабарламада.
The Times of Israel басылымының жазуынша, Израиль шамамен үш апта бойы бұл өңірге соққы жасамаған.
Басылым мәліметінше, бұл соққылар атысты тоқтату режимі кезінде «Хезболла» тарапынан Израиль аумағы мен ЦАХАЛ нысандарына жасалған бірнеше шабуылдан кейін жүзеге асқан.
17 сәуірде Ливан мен Израиль он күндік бітімге келген болатын. Бұл ретте Ливан армиясы қақтығысқа қатыспаған, ал әскери әрекеттерді «Хезболла» жүргізген. Қозғалыс бітім туралы келісімнің тарабы болып табылмайды.
Қазіргі уақытта Израиль әскері мен «Хезболла» бір-бірінің позицияларына қайтадан соққы жасауды жалғастырып отыр.
