Energy Monitor хабарлайды: «Қазақстан БҰҰ ЕЭК-тегі позициясын нығайтуда: Фархат Абытов БҰҰ ЕЭК Ресурстарды басқару жөніндегі бюро төрағасының орынбасары болып сайланды (…) БҰҰ ЕЭК Бюросы – энергияға көшу жағдайында жер қойнауын тұрақты пайдалану және шикізат қауіпсіздігін қамтамасыз ету бойынша шешімдер әзірлеу үшін 56 елдің мамандарын біріктіретін негізгі сарапшылық алаң. Төраға орынбасарының қызметі сарапшылық-консультативтік сипатқа ие және қоғамдық негізде жүзеге асырылады. Сайлау барысында БҰҰ ЕЭК аймағындағы елдермен серіктестікті кеңейту, бірлескен жобалар үшін озық тәжірибелер мен технологияларды тарту және ресурстарды басқару жөніндегі жаһандық диалогта Қазақстанның мүдделерін ілгерілету басым бағыттар болатыны атап өтілді. Бюроның басқарушы құрамына сайлану бірлескен бастамаларды іске асыруға, сараптама алмасуға және жер қойнауын тұрақты пайдаланудың жаһандық күн тәртібін қалыптастыруға қатысуға жаңа мүмкіндіктер ашады».
Еуразия24 пікірі:
Қазақстанның шикізатқа негізделген классикалық экономика екенін ескерсек, мұндай құрылымдарға қатысуының практикалық пайдасы зор, сондықтан бұл жаңалықты өте жағымды деп бағалауға болады. Біріншіден, бұл халықаралық «ойын ережелеріне» ықпал етуге мүмкіндік береді. Қазақстан өкілінің Бюро әкімшілігіне сайлануы – еліміздің халықаралық стандарттарды қалыптастыруға тікелей қатысуын, өзіне тиімді тәсілдерді ілгерілетуін және ұлттық шикізат секторының мүдделерін қорғауға ат салысуын білдіреді. Екіншіден, озық технологияларға жол ашылады. Қазақстан үшін жер қойнауын пайдалануда заманауи тәсілдерді және энергия тиімділігі бойынша алдыңғы қатарлы шешімдерді енгізу өте маңызды. Үшіншіден, Ресурстарды басқару жөніндегі бюроның басшылық құрамында Қазақстан өкілінің болуы мемлекеттің инвестициялық тартымдылығын айтарлықтай арттырады. Нарық үшін бұл – еліміздің тек шикізат жеткізуші ғана емес, халықаралық деңгейдегі сарапшы екенін және жалпыға ортақ, түсінікті ережелермен жұмыс істейтінін көрсететін маңызды белгі.
