Астана. 5 мамыр. ИНТЕРФАКС-ҚАЗАҚСТАН – Қазақстан Республикасының Премьер-министрі Олжас Бектенов Өскемен қаласындағы (Шығыс Қазақстан облысының әкімшілік орталығы) «Қазцинк» зауытында болған өртке қатысты істі жеке бақылауына алды.
«Мен Өскемен қаласындағы жарылысқа байланысты Төтенше жағдайлар министрлігіне, Экология министрлігіне және облыс әкімдігіне тиісті тапсырмалар бердім. Олар қажетті шараларды қабылдап, маған есеп беретін болады», — деді Бектенов сейсенбі күні өткен Үкімет отырысында. Үкімет басшысы бұл мәселенің оның тікелей бақылауында болатынын атап өтті.
Сейсенбі күні таңертең Өскемендегі «Қазцинк» ЖШС зауытының аумағында шаң жинау құрылғысының тарсылы естіліп, арты өртке ұласты және ғимараттың бір бөлігі опырылып түсті. Қазіргі уақытта өрт оқшауланды, құтқарушылар конструкцияларды бөлшектеп, жану ошақтарын толық сөндіру жұмыстарын жүргізіп жатқан көрінеді.
Зардап шеккендерді іздестіру шаралары жалғасуда. Алдын ала мәліметтер бойынша, төрт адам медициналық мекемеге жеткізілді.
