Астана. 6 мамыр. ИНТЕРФАКС-ҚАЗАҚСТАН – Қазақстан Парламенті Мәжілісі сәрсенбі күні өткен жалпы отырыста «Қазақстан Халық Кеңесі туралы» конституциялық заң жобасын жұмысқа алды.
Заң жобасы бойынша Парламент палаталарының бірлескен комиссиясының құрамына депутаттар Аманжол Әлтай, Наталья Дементьева және Ерлан Саиров енді.
Қазақстанда жаңа Конституция күшіне енгеннен кейін қазіргі Қазақстан халқы Ассамблеясының орнына жаңа жоғары консультативтік-кеңесші орган — Халық кеңесі құрылады. Оның құрамында барлық этнос өкілдері болады және ол 126 адамнан тұрады: 42 мүше — этномәдени бірлестіктерден, 42 — ірі қоғамдық бірлестіктерден, қалған 42 мүше — мәслихаттар мен өңірлік қоғамдық кеңестерден іріктеледі.
Халық кеңесінің барлық мүшелерін Президент тағайындайды, ал төрағаны Кеңес мүшелері өздері сайлайды.
15 наурыздағы референдумда қабылданған Қазақстанның жаңа Конституциясы 2026 жылғы 1 шілдеден бастап күшіне енеді.
