Астана. 12 маусым. ИНТЕРФАКС-ҚАЗАҚСТАН – Қасым-Жомарт Тоқаев Салық кодексіне өзгерістер енгізу туралы заңға қол қойды.
Құжаттың мәтіні жұма күні ресми бұқаралық ақпарат құралдарында жарияланды.
Заң жаңа Конституцияның нормаларын іске асыруға бағытталған. Құжатта бір палаталы парламент – Құрылтайды құруға, Қазақстан Халық кеңесін қалыптастыруға, сондай-ақ азаматтардың Конституциялық сотқа жүгінуі кезінде мемлекеттік баж салығын алып тастауға байланысты өзгерістер көзделген.
Түзетулер Салық кодексінің мазмұнын өзгертпейді. Құжат аясында техникалық нақтылаулар енгізіліп, жекелеген нормалардың редакциясы біріздендірілген.
