Астана. 18 маусым. ИНТЕРФАКС-ҚАЗАҚСТАН – Президент Қасым-Жомарт Тоқаевотандық денсаулық сақтау саласының даму деңгейіне тоқталды.
«Мемлекет медициналық саланы дамытуға әрдайым ерекше назар аударып келеді. Қазіргі таңда бұл бағытта ауқымды жұмыстар жүргізілуде. Нақты нәтижелерге қол жеткізілді», – деді Тоқаев бейсенбі күні Медицина қызметкерлері күніне арналған салтанатты іс-шарада. Президенттің сөзін оның баспасөз қызметі келтіреді.
Мемлекет басшысының айтуынша, соңғы үш жылда ана өлімі 35 пайызға, ал нәресте өлімі 24 пайызға төмендеген. «Бұл – Тәуелсіздік жылдарындағы ең төменгі көрсеткіштер», – деп атап өтті президент. Сондай-ақ ол соңғы жеті жылда еліміз бойынша шамамен 1300 денсаулық сақтау нысаны салынғанын айтты.
«Міндетті медициналық сақтандыру жүйесі де уақыт талабына сай жаңғыртылды», – деді Тоқаев.
