Астана. 1 шілде. ИНТЕРФАКС-ҚАЗАҚСТАН – Қазақстанда 2026 жылы 20 млн шаршы метр тұрғын үйді пайдалануға беру жоспарланған. Бұл туралы Өнеркәсіп және құрылыс министрі Ерсайын Нағаспаев мәлімдеді.
«Биыл 20 млн шаршы метр тұрғын үйді пайдалануға беру жоспарланып отыр», – деді Ерсайын Нағаспаев сәрсенбі күні өткен Үкімет отырысында.
Министрдің айтуынша, жылдың алғашқы бес айының қорытындысы бойынша құрылыс жұмыстарының көлемі шамамен 2,4 трлн теңгені құрап, өткен жылдың осы кезеңімен салыстырғанда 13,4 пайызға артқан. Осы уақыт ішінде 6,3 млн шаршы метр тұрғын үй пайдалануға берілді. Бұл өткен жылдың сәйкес кезеңіндегі көрсеткіштен 4,5 пайызға жоғары.
Бұған дейін қаржыландырудағы шектеулерге байланысты Қазақстан биыл тұрғын үйді пайдалануға беру жөніндегі жоспарланған межеге жете алмауы мүмкін екені хабарланған болатын. Соған сәйкес, көрсеткіш жоспарланған 20,2 млн шаршы метрдің орнына 8 пайызға төмендеп, 18,5 млн шаршы метр болуы ықтимал.
1 шілдедегі ресми валюта бағамы – 1 АҚШ доллары 480,72 теңге.
