ВОНСАН (КХДР), 12 шілде. ИНТЕРФАКС. Ресей мен Корей Халық Демократиялық Республикасы теңіз арқылы жолаушылар қатынасын қайта жандандыруды көздеп отыр. Бұл туралы РФ Сыртқы істер министрі Сергей Лавров сенбі күні Солтүстік Кореяның Вонсан қаласында өткен баспасөз мәслихатында мәлімдеді.
«Мәскеу, Хабаровск және Пхеньян арасындағы әуе қатынасы қалпына келтірілді. Енді теңіз қатынасын қайта ашу жоспарда бар. Бұл ең алдымен адамдар арасындағы байланысты нығайтып, біздің Қиыр Шығыс өңіріндегі шекаралас аймақтар үшін маңызды болмақ», – деді министр.
Оның айтуынша, COVID-19 пандемиясына байланысты жолаушылар ағыны ұзақ уақыт тоқтап қалған.
«Қазір де коронавирус салдарынан бірқатар шектеулер сақталып отыр. Дегенмен, бұл шектеулер алдағы уақытта біртіндеп алынатынына сенімдімін. Соның нәтижесінде туризм де дамитын болады», – деп атап өтті Сергей Лавров.
