БЕЙЖІҢ, 13 шілде. ИНТЕРФАКС. Корея Халық Демократиялық Республикасының (КХДР) көшбасшысы Ким Чен Ын Ресеймен бірлескен күш-жігер халықаралық ахуалдың өзгеруіне қарамастан әлемдік бейбітшілікпен қауіпсіздікке сеп болатынына сенім білдірді. Бұл туралы ол сенбі күні Солтүстік Кореяның Вонсан қаласында РФ Сыртқы істер министрі Сергей Лавровпен кездесу барысында айтты.
КХДР Орталық телеграф агенттігінің (ЦТАК) хабарлауынша, Ким Чен Ын «КХДР мен Ресейдің үйлесімді әрі келісілген дипломатиялық ұстанымдары геосаяси тұрақсыздық жағдайында белсенді және бастамашыл әрекет етуге бағытталған. Бұл өз кезегінде аймақтық және жаһандық бейбітшілікті қамтамасыз етуге оң ықпал етеді» деген пікір білдірген.
Кездесу «жылы әрі жолдастық сенімге толы» атмосферада өтіп, онда 2024 жылғы маусымда өткен тарихи Корея–Ресей саммитінде қол жеткізілген уағдаластықтардың орындалу барысы мен екі ел арасындағы стратегиялық серіктестікті одан әрі нығайту жолдары талқыланды. ЦТАК-тыңмәліметінше, тараптар ұстанымдарының толық сәйкес келетіні тағы да расталған.
Ким Чен Ын сондай-ақ КХДР Ресей басшылығының Украинадағы жағдайды түбегейлі шешуге бағытталған барлық әрекеттерін бұлжымай қолдайтынын мәлімдеді. Бұл ұстаным екі ел арасындағы мемлекетаралық келісімнің рухына сай қабылданған.
РФ Сыртқы істер министрлігінің мәліметінше, кездесулер Вонсан қаласында өткен. Бұған дейін, сенбі күні Сергей Лавров КХДР Сыртқы істер министрі Цой Сон Химен екі ел арасындағы стратегиялық диалогтың екінші раунды аясында келіссөз жүргізді.
