ВАШИНГТОН. 20 шілде. Interfax– АҚШ-тың мемлекеттік хатшысы Марко Рубио Сирия билігіне ел аумағында ИГИЛ (Қазақстан мен Ресейде тыйым салынған террорлық ұйым) мен өзге де экстремистік топтардың әрекеттеріне жол бермеу үшін барлық мүмкін ресурстарды жұмылдыру қажет екенін мәлімдеді.
Өзінің әлеуметтік желісінде Рубио былай деп жазды: «Егер Дамаск билігі ИГИЛ мен Иран ықпалынан азат, біртұтас және бейбіт Сирияны қаласа, қауіпсіздік күштерін экстремистік топтардың елге енуінің алдын алуға бағыттауы керек«.
Сондай-ақ ол ел ішінде друздар мен бәдәуилер арасындағы қақтығыстардың тоқтатылуын талап етті.
Бұған дейін Сирия билігі елде жаппай атысты тоқтату режимі енгізілгенін жариялаған болатын. Сирия президентінің кеңсесі барлық тараптарды әскериіс-қимылдарды дереу тоқтатып, бейбіт тұрғындарды қорғауға және гуманитарлық көмектің жеткізілуіне жағдай жасауға шақырды.
Соңғы күндері Сувейда провинциясында друздар мен бәдәуилер арасында қақтығыстар орын алған. Сонымен қатар, Израиль Сирия аумағына бірқатар соққы жасаған. Израиль тарапы бұл шараларды друз топтарына қолдау көрсету деп түсіндірді.
АҚШ-тың Түркиядағы елшісі Том Баррактың айтуынша, Израиль премьер-министрі мен Сирия президенті атысты тоқтату жөнінде уағдаластыққа келген.
