Гонконг. 21 шілде. ИНТЕРФАКС – Өткен аптада нөсер жауын салдарынан Оңтүстік Кореяда орын алған су тасқынынан қаза тапқандар саны 18 адамға жетті, деп хабарлайды «Ренхап» агенттігі.
Дүйсенбі таңындағы ресми дерек бойынша, 18 адамның қаза болғаны расталды, тағы тоғыз адам із-түзсіз жоғалғандар қатарында.
Бұған дейін төрт адамның мерт болғаны жөнінде хабарланған.
Су тасқынына байланысты 14 мыңнан астам тұрғын қауіпсіз жерге көшірілді.
Оңтүстік Кореяның ұлттық метеорологиялық қызметі дүйсенбі күні таңертең Чолла-Намдо, Кенсан-Намдо провинцияларында және Чеджу аралындажауын-шашынның күшеюі мүмкін екенін ескертті.
Сондай-ақ Чолла-Пукто мен Кенсан-Пукто провинцияларында жаңбыр таңғы сағат 9 шамасында басталуы ықтимал. Ал ел астанасы Сеул мен Канвондо провинциясында жауын-шашын күннің екінші жартысында күтіледі.
